Siddiq-Bharuchi-poetry-gazals-gujarati litrature
Gazal Gujarati

આઇનાની નજરમાં રહે

આઇનાની નજરમાં રહે કોણ છે?
એ કહો કે હ્રદયથી મળે કોણ છે?

ટોચ પર તો જવાની તડપ છે સતત,
હદમાં રહેવાની ચિંતા કરે કોણ છે?

એ જ મારા નગરની રમત થઇ ગઈ,
ભૂલ કોઈ કરે ચૂકવે કોણ છે?

ભૂલવા ગમને લાખો પીએ છે શરાબ,
તો ગમો ભૂલવા વખ પીએ કોણ છે?

કોઇ આવ્યું ખુદા નામથી માંગવા,
દાનના હાથ લાંબા કરે કોણ છે?

કાશમીરની હુરોથી પરણવા હવે,
નામ આપો મને ત્યાં જશે? કોણ છે?

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.