Gujarati Poetry

આંખો મહી મારગ

આંખો મહી મારગ કરી અંતરમા તું હરખાય છે
આંધી જગતની શાંત લાગે ને ત્યાં તું વરતાય છે

જો યાદ પોકારે, ચડીને છાપરે એકાંતમાં
વરસાદને ઓઢી ગગન આખું તહી છલકાય છે

ભવના આ ભંવરમાં ભમુ છું પ્રીત રાધાની બની
આ સાદ મીરાંનો કદી ક્યા કાનને અથડાય છે

દિન-રાત તારી જીતની ગાથાને હું ગાતી રહું
તે ભેટમાં આપી જે હાર ફરી ફરી વીંટાય છે

ફૂલો સમયના ,કાયમી અંદર અભાવો થઇ ઉગે
ને રૂબરૂ મળવાની આશા દૂર જઈ ધરબાય છે

ક્યાં ચેન આવે છે મને કાવ્યો ગઝલ લખ્યા વિના
આ એક ગમતું કામ મળતી ખોટ પૂરી જાય છે

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.