Mittal-khetani-poetry-gazals-gujarati litrature
Gujarati Poet's Corner

વનવાસ માટે વાંક મંથરાનો જ નથી

સત્યનાં પક્ષે સમાજ રહેવાનો જ નથી
ન ગમે તેવું બોલે તે ગમવાનો જ નથી

કૈકેયીનાં કાન પણ નબળાં જ હોય છે
વનવાસ માટે વાંક મંથરાનો જ નથી

હોવો જ છે બ્રહ્મચર્યમાં પણ કૈંક વાંધો
તપભંગ માટે વાંક અપ્સરાનો જ નથી

પગ લંબાવવા છે સૌને પછેડીની બહાર
બે છેડાં જુદાંમાં વાંક તનખાનો જ નથી

હોય મનમાં કડવાશ તો ઘેરાશો રોગોથી
ડાયાબિટીસ માટે વાંક શર્કરાનો જ નથી

~ મિત્તલ ખેતાણી

Leave a Reply

This site uses Akismet to reduce spam. Learn how your comment data is processed.