Siddiq-Bharuchi-poetry-gazals-gujarati litrature
Gujarati

પ્રણયને નિખરવા વફા

પ્રણયને નિખરવા વફા જોઇએ,
આ વ્રુક્ષને હંમેશા ઘટા જોઈએ.

ઘરેઘર સમાચાર પહોચાડવા,
સમસ્યાને થોડી હવા જોઈએ.

નથી મળતાં પદ ‘કામથી’ દોસ્તો,
સફળતામાં સૌની દુઆ જોઈએ.

અહીં રોજ શંકાય છે આ સડક,
જરૂર આ તરફ એક શમા જોઈએ.

બજારોની આંખોમાં પદ પામવા,
એ વ્યક્તિની પાસે મતા જોઈએ.

ઘણી વાત કીધી, ઘણી વાર થઇ,
તમારી હવે તો રજા જોઇએ.

સ્વભાવોને સાચવ્વા ‘સિદ્દીક’ હવે,
રજુઆતમાં પણ કલા જોઇએ.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.