Mittal Khetani - Poet's Corner - Gujarati & Hindi - Sarjak.org
Gujarati Poet's Corner

પોતે પોતાનો મહાણીયો થવું પડે છે

સ્વ સ્વપ્નો નો ગાળિયો થવું પડે છે
પોતે પોતાનો મહાણીયો થવું પડે છે

અમથું નથી થવાતું અમર ઇતિહાસમાં
પાણાંને ટીંચાઈને પાળિયો થવું પડે છે

નથી મફતમાં મળતાં પાન પંચગવ્યનાં
કાન્હાને કામધેનુ ગોવાળિયો થવું પડે છે

લીધો છે જન્મ કળિયુગે તો સહેવાનું જ
માયા રક્ષવાં જીવતો ચાડિયો થવું પડે છે

છે દેહ માનવનો તો પીડા તો રહેશે જ ને
પ્રભુને જોને કંસનો ભાણિયો થવું પડે છે

એ તો હતાં શિવ કે પી ગયાં ઝેર જગનું
ગ્રહણનાં સાપ સામે નોળિયો થવું પડે છે

ટોપી, ખાદી, ભાષણોથી ન થવાય મહાત્મા
ગોળી ખાતો ગાંધી વાણિયો થવું પડે છે

~ મિત્તલ ખેતાણી

Leave a Reply

This site uses Akismet to reduce spam. Learn how your comment data is processed.