Mittal-khetani-poetry-gazals-gujarati litrature
Gujarati Poet's Corner

કોઈનાં મર્યે કોઈ કંઈ મરે એમ નથી

કોઈનાં મર્યે કોઈ કંઈ મરે એમ નથી

બહાર શોધવાથી કંઇ મળે એમ નથી
અંદર શોધ્યા વિના કંઈ જડે એમ નથી

જેઓ ઢળી નથી શકતાં ઢાળ મુજબ
દાળ એની કળિયુગે કંઇ ગળે એમ નથી

માને સૌ એમ કે ધરવું પડે કૈંક નિર્મોહીને
માનતા એમ ને એમ કંઇ ફળે એમ નથી

દોસ્તી, પ્રેમ, વફા એ શબ્દો છે શબ્દકોષમાં
જીવન એનાં અર્થો કંઈ સમજે એમ નથી

ઝાકળ જ કરે છે જવાબદારીનો ફુંવારો
એ વિના રાતની નીંદ કંઇ ઉઘડે એમ નથી

તુરંત શોધવાં, સ્વીકારવાં મંડે છે વિકલ્પો
કોઈનાં મર્યે કોઈ કંઈ મરે એમ નથી

~ મિત્તલ ખેતાણી

Leave a Reply

This site uses Akismet to reduce spam. Learn how your comment data is processed.