Siddiq-Bharuchi-poetry-gazals-gujarati litrature
Gujarati Writers Space

ખયાલો મુખોપરના

ખયાલો મુખોપરના કળતા રહો,
સમજદાર છો તો સમજતા રહો.

નવા રંગ, ઋતુ નવી છે હવા,
તમે જેમ ચાહો બદલતા રહો.

નથી આપતી સાથ વિજળી હવે,
તમે ખુદ આ ઘરમાં પ્રગટતા રહો.

હશે કોઈ મહેમાન સમજી શકું,
જરા બારણાઓ ખખડતા રહો.

દવા કામ આપે નહિં , જખ્મ પર,
બને જેટલું રોજ હસ્તા રહો.

ખુશી તો છવાશે કદી મુખ ઉપર,
અરે, વાદળો તમ ગગડતા રહો.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.