Siddiq-Bharuchi-poetry-gazals-gujarati litrature
Gujarati

ફૂલને છોડીને કાંટામાં

ફૂલને છોડીને કાંટામાં ગયા,
આ વિચારો કેમ કોમામાં ગયા ?

કામ કરતાં પણ વધુ વાતો હતી
આપણે નાહકની ચર્ચામાં ગયા.

ગર્વ કરવાથી ભલાઈ રદ થઈ,
દાન આપીનેય ઘાટામાં ગયા.

સત્ય કૈં સમજાય એ કારણ અમે,
પાપના કર્યા એ ડાઘામાં ગયા.

એમ તો મળવું’તુ તોયે ના મળ્યા,
પણ હતું મળવું તો સપનામાં ગયા.

એક ઘટના આજ શું દોટે ચડી,
એ હકીકત થઇને છાપામાં ગયા.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.