Siddiq-Bharuchi-poetry-gazals-gujarati litrature
Gujarati

કૈ કહે છે આ નમેલી ડાળખી

કૈ કહે છે આ નમેલી ડાળખી,
કૈ’ક શીખો દોસ્ત , ઝાલી આંગળી.

આપના શ્રુંગાર કરતાં પણ વધુ,
મુજને આકર્ષે છે અલ્લડ સાદગી.

હું નથી લખતો લખાવે છે મને,
એક આ ધરતીનો માલિક,શાયરી.

જેમને ‘ પોતાને ‘ જોવું જોઈએ,
એ,મને આપી રહ્યો છે આરસી.

આભ માથે લઇને કરશે શું વિકાસ !
ખુલ્લી કુથલી કરતો સારો માનવી.

કામ સારા આપશે સત્તા તને,
ને સલામત રાખશે તુજ પાઘડી.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.