Mittal Khetani - Poet's Corner - Gujarati & Hindi - Sarjak.org
Gujarati Poet's Corner

જબાન ફેરવે છે લોકો

શબ્દોની કિંમત છે થૂંકની
જબાન ફેરવે છે લોકો

વિચાર ફેરવે છે લોકો
નિર્ધાર ફેરવે છે લોકો

નાથો કે નાથાલાલ જોઈ
પ્રચાર ફેરવે છે લોકો

સફળ કે નિષ્ફળ એ મૂલ્ય
સ્વીકાર ફેરવે છે લોકો

ગરજે ગધેડાંને બાપ કહે
ઉચ્ચાર ફેરવે છે લોકો

બીજાંની લાંચ,પોતાની ભેટ
વ્યવહાર ફેરવે છે લોકો

જો માનતા પુરી ના કરે તો
સર્જનહાર ફેરવે છે લોકો

ગમતું જ લ્યે શાસ્ત્રોમાંથી
સાર ફેરવે છે લોકો

એક ભવમાં અનેક ભવ કરે
પ્યાર ફેરવે છે લોકો

તકસાધુતા જ રહે છે સ્થિર
ફેરફાર ફેરવે છે લોકો

~ મિત્તલ ખેતાણી

Leave a Reply

This site uses Akismet to reduce spam. Learn how your comment data is processed.