Anjana Goswami - Anjum Anand - Gujarati Poet - Sarjak.org
Gujarati

આ હદયકિતાબ ખુલ્લી મૂકવા

આ હદયકિતાબ ખુલ્લી મૂકવા જેવી નથી,
છે ઘણીયે વાત મનમાં, બોલવા જેવી નથી.

ડંખ મારે જો સતત સંબંધ તમને ઉમ્રભર,
યાદ એ સંબંધની પણ રાખવા જેવી નથી.

જે જુએ તે બસ ફિદા થઇ જાય એના રૂપ પર,
કેમ માનું છોકરી તે ચાહવા જેવી નથી.

એક પૂરી જો કરો ત્યાં બીજી ઊભી થાય છે,
બાળકોની જીદ પણ બહુ માનવા જેવી નથી.

મોતને મુઠ્ઠીમાં રાખી રોજ દરિયે જાય છે,
આપણી આ જિંદગી શું ખારવા જેવી નથી?

– અંજના ગોસ્વામી ‘અંજુમ આનંદ’

Leave a Reply

This site uses Akismet to reduce spam. Learn how your comment data is processed.