Siddiq-Bharuchi-poetry-gazals-gujarati litrature
Gujarati

દૂરના ડૂંગર રહે રળિયામણા

દૂરના ડૂંગર રહે રળિયામણા,
હે મહોબ્બત ક્યાં જશે આ આંગણા.

આવશે મહેમાન કૈ’ રીતે અહીં,
બંધ છે દિલના ઘરોના બારણા.

દૂરથી લાગ્યા મને ઝરણા હશે,
પાસ આવ્યા તો હતી એ ધારણા.

આ કદાવર સૌ હવાને રોકવા,
જંગ પહેલાં થઈ ગયા સૌ વામણા.

એક પણ મારૂં મને મળ્યું નહીં,
હું સમજ્યો ‘ તો બધાને આપણા.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.