Siddiq-Bharuchi-poetry-gazals-gujarati litrature
Gujarati

ભાષણોનું એ દાન આપે છે

ભાષણોનું એ દાન આપે છે,
લોક સમજે છે, જ્ઞાન આપે છે.

ખૂબ સૂંદર વિધાન આપે છે,
જાણે પાકી જબાન આપે છે.

બાળકોને ખબર નથી એની,
સરહદો જે જવાન આપે છે.

લાલચે કહ્યું : પક્ષમાં જોડાવો,
જે બધાને મકાન આપે છે.

સાવ બ્હેરો છે પણ કદી ક્યારે,
વાત શાંભળવા કાન આપે છે.

દ્વારના ફૂલછોડ હંમેશાં,
સૌને ઈઝઝત સમાન આપે છે.

માણસાઈ અને , મહોબતની,
રોજ ‘ સિદ્દીક’ અઝાન આપે છે.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.