Gujarati

આવી દિવાળી

આવી દિવાળી ઓ સખીરી,
આવ ઊર્મિથી લથબથતાં જઈએ

છે ઉત્સવ સમી આ જીંદગી
ચાલ ઉજાણીએ ઉજવતાં જઈએ

હોય દીવડો ભલે એ નાનકડો
પણ અંધારાને ગળતા જઈએ

નવલાં વર્ષે ખુશી એ વૈભવ
ફૂલ સમા મહેકતા જઈએ

હવાઈ બનાવી નિરાશાની ને,
અનારદાના ચમકાવતા જઈએ

બરફી પેડા ને મીઠાઈ ભૂલી
ચાલને સ્નેહ પરોસતા જઈએ

છે ઉત્સવ સમી આ જીંદગી …

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.