Gujarati

આંખમાંથી જોઇ લો

આંખમાંથી જોઇ લો! શુ વિસ્મય ટપકે છે?
એક શમણુ જો પાંપણને પકડી ને લટકે છે

સાવ કોરી આંખ મહી કોઈ છાલક ઉછળે છે
આવું વરસાદી વ્હાલ કોણ લઇને અડકે છે?

સાવ અણધડ ને અણધારી યાદો ઠુમકે છે
ના કેડો મુકે! એતો મુસીબત થઈને ભટકે છે

દિલમાં રોજ બળજબરી થી કબજો કરે કેવો
ધડકન કેરો તાલ મિલાવી ઘબકીને મલકે છે

વ્હાલનાં નામે કાગળ લઇ આ કોણ આવે છે?
લખીને સઘળી લાગણીઓ હસીને પટકે છે

આ પાગલ હવાને કોણ તહીં રસ્તો બતાવે છે?
એ દરિયા પાર માટીની સુંગંધ લઈને ફરકે છે

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.