Gujarati

આજે અહીં મારા

આજે અહીં મારા એ પહેલા પ્રેમની વાત કહું,
બે ઘડીમાં જીવનભરની થઇ એ મુલાકાત કહું.

જાગતી આંખોએ જોયા હતા જે સપના ઘણા,
પડયા સાચા એજ સપનાની અહી વાત કહું.

હતી ઝરણું છતાં કિનારા સાચવી વહેતી રહી,
કેવી દરિયામાં ભળી ગઈ મારી આ જાત કહું,

મારું ત્યજી, કાયમી સહિયારી રીત અપનાવી,
એ આપણી લાગણીઓની ગાથા દિન રાત કહું.

મળવું ગમે જેને, ને વિનોદે મહી ભળવું ગમે
કમળમાં ખુશીથી ઘેરાતા, એ ભ્રમરની ઘાત કહું.

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.