Gazal Gujarati Poet's Corner

સ્વજનોથી વોર કરતાં

પીડાઓને ઇગ્નોર કરતાં શીખવું પડશે
જખ્મોને ક્યોર કરતાં શીખવું પડશે

તું અર્જુન નથી કે કૃષ્ણ આપે ગીતાજ્ઞાન
સ્વજનોથી વોર કરતાં શીખવું પડશે

જો રડીશ તો મિત્રો રડાવશે વધુ તને
હાસ્યનો ડોળ કરતાં શીખવું પડશે

જગનાં ઉઘાડાપણાંને સ્વપ્નોથી ઢાંકવાં
આગળથી મોર બનતાં શીખવું પડશે

સૂયાણી સૌ વ્યસ્ત છે પોતાની પ્રસૂતિમાં
જણનારીએ જોર કરતાં શીખવું પડશે

ચક્રવ્યૂહનો સાતમો કોઠો ભેદતાં શીખવાં
ગર્ભસ્થે શોર કરતાં શીખવું પડશે

ગેરહાજરનું સ્થાન લઈ લ્યે વિકલ્પ તુરંત
હાજરીનો ઢોલ પીટતાં શીખવું પડશે

~ મિત્તલ ખેતાણી

Advertisements

Leave a Reply

This site uses Akismet to reduce spam. Learn how your comment data is processed.