Gazal Gujarati Poet's Corner

હાથમાં હલેસો

હૈયાં સરિસો રાખવો છે
મારે ભરોસો રાખવો છે

કોક દિ આવી ચઢશે રામ
હાથમાં હલેસો રાખવો છે

કોઈનાં વાંક કાઢતાં પૂર્વે
નજરે અરીસો રાખવો છે

સત્ય, પ્રેમ, કરુણાનો સુવાંગ
મારે વારસો રાખવો છે

પડકારવાં છે વેર, દ્વેષ, ઇર્ષાને
પ્રેમનો કારસો રાખવો છે

ક્રોધ, કામ, લોભ હણવાને
સંયમનો ફરસો રાખવો છે

સ્વયં થઈને જ જીવવું છે
મૌલિકતાનો જલસો રાખવો છે

પરસ્ત્રી, પરદ્રવ્ય, અણહક પ્રત્યે
આત્માનો ફડકો રાખવો છે

આપીશ સ્વયં બળીને પડછાયો
ભાગ્યને ભલે તડકો આપવો છે

દાન દઇશ તાંદુલ, ભાજી, બોરનું
ભગવાને ભલે કડકો રાખવો છે

~ મિત્તલ ખેતાણી

Advertisements

Leave a Reply

This site uses Akismet to reduce spam. Learn how your comment data is processed.