Gazal Gujarati Poet's Corner

બળાત્કારીઓને જીવતાં સળગાવો

પાપીને એની જ ભાષામાં સમજાવો તો સાચાં
બળાત્કારીઓને જીવતાં સળગાવો તો સાચાં

શેરીએ શેરીએ લૂંટાય છે હવે દ્રૌપદીનાં ચીર
સંભવામિ કહેનાર કૃષ્ણને બોલાવો તો સાચાં

આ કેન્ડલ, આ પ્લે કાર્ડ, આ ડિજિટલ આક્રોશ
ફાંસીનાં પરિણામ સુધી ના ભુલાવો તો સાચા

પડોશ નહીં ઠારો તો ભરખશે તમનેય આ આગ
દરેક બચ્ચીમાં પોતાની દીકરી નિહાળો તો સાચા

વિકારીની આંખ સ્થળ ઉપર જ ફોડે તે જ મર્દ
બાકી શિખંડી આ લવારાં અટકાવો તો સાચા

કર્મ નહીં મૂકે, પહોંચશે તારી બેન-દીકરી સુધીય
પોતાનાં ભાઈ/દિકરાને ગળે ઉતરાવો તો સાચા

~ મિત્તલ ખેતાણી

Advertisements

Leave a Reply

This site uses Akismet to reduce spam. Learn how your comment data is processed.