Gazal Gujarati Poet's Corner

વિતેલી પળને

વિતેલી પળને સંભાળી સાથ રાખજે
છુટા પડવાની વેળાએ યાદ આવજે

કહેતા અલવિદા પ્હેલા સાદ આપજે
ફરી મળશું વચન પર તું ભાર આપજે

તું આશાનો દિપક જલતો રાખજે સદા
નકામી કામનાઓ સઘળી તું ઠારજે

કિનારે રહીને ના તરતા આવડે કદી
અનૂભવ હોય એની તું વાત માનજે

કરીને દાન ઢંઢેરો કૈ પિટાય ના
દઈ જમણે ને ડાબાથી સંતાડજે

કટોરો વિષનો મીરા જેમ લઈને તું
બધાને પ્રેમ રસ દિલથી પીવડાવજે.

~ રેખા પટેલ ‘વિનોદિની’

Advertisements

Leave a Reply

This site uses Akismet to reduce spam. Learn how your comment data is processed.