Gazal Gujarati Poet's Corner

બોલ્યાં પછી ફરી શકે

બોલ્યાં પછી ફરી શકે છે લોકો
પારકાં ખેતરે ચરી શકે છે લોકો

વળાંકો પણ સીધાં કરે જરૂર મુજબ
ગરજ મુજબ વળી શકે છે લોકો

જરૂરીયાતનાં સાબંધો રાખે છે સૌ
લોટાંની જેમ ઢળી શકે છે લોકો

મિત્ર જે કામ આવ્યો કાળી રાત્રે તેને
ધોળે દિવસે છરી પરોવી શકે છે લોકો

ભવોભવનાં સાથની વાત રહેવાં દયો
એક ભવમાં અનેક કરી શકે છે લોકો

મોઢું ય જોવું ગમતું ના હોય જેનું
વખતે દુશ્મનનાં પગ પડી શકે છે લોકો

શીખવે જીવન જીવવાની કળા તોય
ધર્મનાં નામે મરી-મારી શકે છે લોકો

~ મિત્તલ ખેતાણી

Advertisements

Leave a Reply

This site uses Akismet to reduce spam. Learn how your comment data is processed.