Gazal Gujarati Poet's Corner

વફા કરે તેનાં ભાગ્યે જ દ્રોહ

ના આરોહ કે ના અવરોહ હોય છે
જીવનમાં ઉહ, આઉચ, ઓહ હોય છે

જે મળ્યું છે તેનું ક્યાં મૂલ્ય છે કોઈને
જે નથી તેનો જ બધાંને મોહ હોય છે

વાતો તો સૌ કરે છે વફાદારીની પણ
દરેકનાં જીવનમાં કોઈ ‘વોહ’ હોય છે

મૂર્તિઓ જ ધાતુની હોય તેવું નથી
હૈયાંય ક્યાંક કાળમીંઢ લોહ હોય છે

યુગોયુગોથી અચલ છે સનાતન સત્ય
વફા કરે તેનાં ભાગ્યે જ દ્રોહ હોય છે

એટલે આંખે બંધ કર્યા સપનાં જોવાનાં
વાસ્તવનાં મોતીયાંનો વિદ્રોહ હોય છે

~ મિત્તલ ખેતાણી

Advertisements

Leave a Reply

This site uses Akismet to reduce spam. Learn how your comment data is processed.