Gazal Gujarati Poet's Corner

લેબમાં  જઈને આ પ્રયોગ

લેબમાં જઈને આ પ્રયોગ થયો,
માનવીને પશુનો રોગ થયો.

હા, બીમારીના કંઇ ઈલાજ થયા,
મોતને ટાળવાનો યોગ થયો?

રાજકારણની મહેરબાનીથી,
હું ગુનાહગાર નામજોગ થયો.

એક નાની ક્ષતિના કારણથી,
નાવ, નાવિકનો દ્દઢ વિયોગ થયો.

જીંદગી પૂર્ણ થઇ ગઇ ‘ સિદ્દીક’,
ખુશ હતા કાલ, આજ સોગ થયો.

~ સિદ્દીક ભરૂચી

Advertisements

Leave a Reply

This site uses Akismet to reduce spam. Learn how your comment data is processed.