Gazal Gujarati Poet's Corner

મૂળ ગાળી લે પ્રથમ

મૂળ ગાળી લે પ્રથમ !
એમ વ્યાપી લે પ્રથમ !

દોડ લેખે લાગશે,
રેખા આંકી લે પ્રથમ !

છોડવાનું કંઈ નથી,
ખુદ્દને પામી લે પ્રથમ !

બોર તું વ્હેંચી શકીશ,
મૌન સાધી લે પ્રથમ !

પાંખની ઈચ્છા છે તો,
પગ ખોડી લે પ્રથમ !

પાનખર હો કે વસંત,
દાવ ડાળી લે પ્રથમ !

પડઘો થઈ આવે ગઝલ,
સાદ પાડી લે પ્રથમ !

~ લક્ષ્મી ડોબરિયા

Advertisements

Leave a Reply

This site uses Akismet to reduce spam. Learn how your comment data is processed.