Gazal Gujarati Poet's Corner

ધીરતા ધારી જુઓ

ધીરતા ધારી જુઓ !
કાં પછી હારી જુઓ !

ચીતરો ચૈતર અને,
ટેરવાં ઠારી જુઓ !

શૂન્યની કિંમત થશે,
એક. . અવતારી જુઓ !

લ્યો, કલમ, કાગળ પછી,
જાત વિસ્તારી જુઓ !

એક વૈરાગી ક્ષણે,
જીવ શણગારી જુઓ !

કોણ છું ? ના પ્રશ્નથી,
ખુદ્દને પડકારી જુઓ !

~ લક્ષ્મી ડોબરિયા

Advertisements

Leave a Reply

This site uses Akismet to reduce spam. Learn how your comment data is processed.