Gazal Gujarati Poet's Corner

દરિયા અને ઝરણાં

દરિયા અને ઝરણાં વચમાં કઈ દોસ્તી ના થાય
અણધારી નજરો મળે ત્યાં કઈ દોસ્તી ના થાય

ફૂલોની જવાની ઉપર ભમતા ભમરા ચારો કોર
એ આવારા સમજણ સાથે કઈ દોસ્તી ના થાય

હૈયાનાં પોલાણોમાં શ્વાસો ના ભાડુતી રહેઠાણ
એમની આવન જાવન રોકી કઈ દોસ્તી ના થાય

આલિંગની એકરૂપતા થી ખાલી સમીપતા બંધાય
રોજ રોજની ફરિયાદો સાથે કઈ દોસ્તી ના થાય

લખવાથી વિરહ ગીતો મન થોડું કઈ હલકુ થાય
પણ દર્દ સાથે કાયમ “સખી” કઈ દોસ્તી થાય

~ રેખા પટેલ ‘વિનોદિની’

Advertisements

Leave a Reply

This site uses Akismet to reduce spam. Learn how your comment data is processed.