Gujarati Poet's Corner Poetry

વાત મારા હૈયાની

વાત મારા હૈયાની હામની છે,
ધબકતું દિલ કાંઇ પથ્થર છે?

કહું કહીને સમજે તું મનમરજી નું,
આ તારી અદા કાંઇ હવે તો જબ્બર છે.

મહેફિલ જમાવી રંગ રાખ્યો,
તને કયાં આસપાસની ખબર છે?

બહુ થયું હવાતિયાં મારવા બંધ કર,
પ્રેમ માર્ગ જ જીવનનું સાચું મંતર છે.

લથડીયા ખાતી જિંદગીનો તું સહારો,
ખેંચાખેંચ કરમાં બહુ, જિંદગી કાંઇ રબર છે?

~ કિરણ પિયુષ શાહ ‘કાજલ’

Leave a Reply

This site uses Akismet to reduce spam. Learn how your comment data is processed.