Gazal Gujarati Poet's Corner

એક સવાઇ ક્ષણ ની સાખે

એક સવાઇ ક્ષણ ની સાખે !
આભ ઢળે રજકણ ની સાખે !

એકલતાએ સાથ નિભાવ્યો,
તેં દીધેલા વ્રણ ની સાખે !

રેત વચાળે દરિયો ગાળે,
તડકો કાયમ રણ ની સાખે !

સપનું નહિં પણ એક હકીકત,
ટપકે છે આંજણ ની સાખે !

રહી ગઈ અંતે વાત અધૂરી,
પ્રશ્ન વિના ના પણ ની સાખે !

કોઈ ના હોવાની ઘટના,
ઊગે છે દર્પણ ની સાખે !

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.