Gazal Gujarati Poet's Corner

સાસરિયે તો બસ અમથી જાય છે

સાસરિયે તો બસ અમથી જાય છે બેન

આંખોની ઉદાસીને ઘોળીને પી જાય છે બેન
કદી મા તો કદી સખી બનતી જાય છે બેન

અલ્યા એય શું મુંઝાયો છે ! બોલતો જરા !
હું બોલું એ પહેલાં જ સમજી જાય છે બેન

એને ચિડવું,ખિજવું ખુબ પજવું હું છતાંય
મને રાજી રાખવા સાથે રમતી જાય છે બેન

હર વાતમાં હું જિદ્ કરી એને કોસતો રહું
મને રિઝવવા હર વાર નમતી જાય છે બેન

ઘરનો માળો છોડીને પર ઘરને અજવાળે છે
આજ અદાથી ઘરને ગમતી જાય છે બેન

શ્વાસ,દલડું, મનડું,સઘળું એનુ પિયરમાં રહે
સાસરિયે તો બસ અમથી જાય છે બેન

~ મિત્તલ ખેતાણી

Leave a Reply

This site uses Akismet to reduce spam. Learn how your comment data is processed.