Gazal Gujarati Poet's Corner Writers Space

મિત્રોનાં સરનામે ધોખાં હોય છે

સ્મિત સૌનાં નોખાંનોખા હોય છે
સાચાં એ જ જે બોખાં હોય છે

હાસ્ય હોઈ શકે કપટી, ક્રૂર, ગંદુ
આંસુ હંમેશા ચોખ્ખા હોય છે

કોઈ રડશે એ જોઈને રડશે સૌ
કારણ ભલે સૌનાં નોખાં હોય છે

આંસુ મોકલતાં પહેલાં વિચારજો
મિત્રોનાં સરનામે ધોખાં હોય છે

બહાર-અંદર કઠણ છે પ્રભુ મૂર્તિ
અંદરથી પોચાં તો ત્રોફાં હોય છે

મફતમાં ય ના લ્યે ભલે છે અમૂલ્ય
પ્રેમનાં અન્યથા ક્યાં જોખાં હોય છે

~ મિત્તલ ખેતાણી
( કાવ્ય સંગ્રહ ‘શબ્દ ઘેર આનંદ ભયો’ માંથી )

Leave a Reply

This site uses Akismet to reduce spam. Learn how your comment data is processed.