Gazal Gujarati Poet's Corner

ગરદનથી નીચે જ સૌ ધ્યાન કરે છે

આંખોથી કોણ હવે પ્યાર કરે છે
ગરદનથી નીચે જ સૌ ધ્યાન કરે છે

તનનાં મિલનની જ છે સૌને તરસ
જન્મોજન્મની વાતો બેચાર કરે છે

સ્ત્રી આપે છે શરીર મેળવવાને પ્રેમ
પુરુષ શરીર માટે જ વ્હાલ કરે છે

સબંધો સૌ થયાં છે તકલાદી અને
સબંધોનો સૌ અહીં વેપાર કરે છે

ગરજે જ ગજાનન વંદે ગરજુડાંઓ
મંદિરે ય માનતાનો વ્યાપાર કરે છે

દુશ્મનોની પહેલાં બચજો મિત્રોથી
જીવલેણ ઘા પ્રથમ હવે ઢાલ કરે છે

‘પ્રભુ બચાવે’ બોલ્યો સર્જક પ્રભુ
વિશ્વ સર્જી પસ્તાવો પારાવાર કરે છે

~ મિત્તલ ખેતાણી
( કાવ્ય સંગ્રહ ‘શબ્દ ઘેર આનંદ ભયો’ માંથી )

Leave a Reply

This site uses Akismet to reduce spam. Learn how your comment data is processed.