Gazal Gujarati Poet's Corner

બુંદથી કરતાં ઈશારો

તરસ્તા’તા હવે નાહી રહ્યા છે,
ફળીના વાદળો ગાજી રહ્યા છે.

દયા વરસાવ ઓ ક્રુપાળુ ઈશ્વર!,
ઘડા, બેડાં વધુ ત્રાસી રહ્યા છે.

જરા બે બુંદથી કરતાં ઈશારો,
કિસાનો કામ પર લાગી રહ્યા છે.

ક્રુપા રૂપે કે કોઇ શ્રાપ રૂપે,
આ વાદળ કોના ઘર આવી રહ્યા છે.

ધુમાડાનું ગગન જોઇને “સિદ્દીક”,
ક્રુપા વરસાદની માંગી રહ્યા છે.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.