Gazal Gujarati Poet's Corner

એકમેકે ઓગળવાની બદલે કજિયાં યાદ આવે છે

વરસાદમાં પ્રેમ ની બદલે ભજિયાં યાદ આવે છે
એકમેકે ઓગળવાની બદલે કજિયાં યાદ આવે છે

જોજો ક્યાંક મનથી તો થઇ નથી ગ્યા ને ઘરડાં
મોજે પલળવાને બદલે તમને છતરાં યાદ આવે છે

એક વય પછી મૃત્યુ પણ હોય છે મહોત્સવ મંગલ
કાયમી રુદાલિ જગને ત્યાં છાજીયાં યાદ આવે છે

ભાગ્યમાં હોય તે મળ્યું ને મળશે પણ ખરું સદા
સૌને રહી ગ્યાં, લઈ ગ્યાં ને વઇ ગ્યાં યાદ આવે છે

ભૂલી શકે તેનાં માટે તો છે કેરી ને ફળો કેટલાંય
વિચારની કબજિયાત વાળાને પપૈયાં યાદ આવે છે

~ મિત્તલ ખેતાણી
( કાવ્ય સંગ્રહ ‘શબ્દ ઘેર આનંદ ભયો’ માંથી )

Leave a Reply

This site uses Akismet to reduce spam. Learn how your comment data is processed.