Gazal Gujarati Poet's Corner

તારી પાંપણ ઢળીને સાંજ

તારી પાંપણ ઢળીને સાંજ પડી ગઇ.
ચહેરા પર સાંજની લાલાશ જડી ગઇ.

ડૂબી ગયો તારા મદભર્યા નયનોમાં એવો,
અશ્કોના જામે હું તરબતર, તું રડી ગઇ.

ચિતરાઇ ગયું હ્રદયના કેન્વાસ પર,
પ્રખ્યાત આપણી કથા, સૌ મુખે ચડી ગઇ.

તારી નજરનાં ધાવ એવા મળ્યા છે હવે,
ધાયલ તીરેનજરનો, તારી નજર લડી ગઇ.

‘કાજલ’ તારી કાજળધેરી આંખોના કામણે,
રાત ઢળી શમણાંમાં રાતોની કડી ગઇ.

~ કિરણ પિયુષ શાહ ‘કાજલ’

Leave a Reply

This site uses Akismet to reduce spam. Learn how your comment data is processed.