Gazal Gujarati Poet's Corner

કોઈએ આવીને કાનમાં

કોઈએ આવીને કાનમાં કહ્યું,
કે તું મને પ્રેમ કરે છે.

ફૂલોએ હસતાં હામી ભરી,
સુગંધે લાજ શરમ ખુલ્લી મૂકી,
ભમરા ગુન ગુન ગુંજી ઉઠ્યા
લે! એ તને પ્રેમ કરે છે…

હૈયાને તળિયે બેઠેલી ઇચ્છાઓ,
ફરી ફરી ગણગણવા લાગી.
એ હાલકડોલક હૈયું મારું,
ગીત મઝાનું ગાવા લાગ્યું.
હા એ મને પ્રેમ કરે છે…

કુણો કુણો અભાવ બધો
ઝાકળની જેમ ઉડવા લાગ્યો.
ચાતક બનેલી નજરો મારી
ચારેકોર કશું શોધવા લાગી,
એ કોણ જે મને પ્રેમ કરે છે.

હા! જીંદગી તું મનેજ પ્રેમ કરે છે ..

~ રેખા પટેલ ‘વિનોદિની’

Advertisements

Leave a Reply

This site uses Akismet to reduce spam. Learn how your comment data is processed.