Gazal Gujarati Poet's Corner

આવો અહીં પહેલા

આવો અહીં પહેલા પ્રેમની વાત લખું
આંખોમાં થઇ હતી એ મુલાકાત લખું

જાગતી આંખોએ જોયા સપના બધા
આજ સાચા એ સપનાની હું વાત લખું

હતી ઝરણું ને છતાં કિનારા સાચવતી
કેવી એ દરિયામાં ભળી ગઈ જાત લખું

મારું ત્યજી સહિયારી જે રીત અપનાવી
હવે લાગણીઓ આપણી દિન રાત લખું

જેને મળવું ગમેને પછી મહી ભળવું ગમે
એ કમળમાં ઘેરાતા ભ્રમરની ઘાત લખું

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.