Gazal Gujarati Poet's Corner

આંખો વડે મારગ

આંખો વડે મારગ કરી અંતરમા તું વરતાય છે
આંધી જગતની શાંત લાગે ને ત્યાં તું છલકાય છે

જો મોરલાઓ યાદના એકાંતમા થનગન કરે
તો ઢેલ જેવા સ્વાગમાં મારા મનોરથ ગાય છે

ભવના આ ભંવરમાં ભમુ છું પ્રીત રાધાની બની
આ સાદ રાધાનો કદી ક્યા કાનને અથડાય છે

દિન-રાત તારી યાદની ગાથાને હું ગાતી રહું
આ વાંસતી મૌસમમાં યાદોની હવા પછડાય છે

ફૂલો સમયના ,કાયમી અંદર અભાવો થઇ ઉગે
ને રૂબરૂ મળવાની આશા શબ્દ થઇ ધરબાય છે

ક્યાં ચેન આવે છે મને કાવ્યો ગઝલ લખ્યા વિના
મારી ગઝલમા સ્નેહ સરિતા બેઉ કાઠે જાય છે

~ રેખા પટેલ ‘વિનોદિની’

Advertisements

Leave a Reply

This site uses Akismet to reduce spam. Learn how your comment data is processed.