Gazal Gujarati Poet's Corner

એમ કરી તું પ્રેમને શ્યોર કરે છે.

જાહેરમાં તું મને ઇગ્નોર કરે છે.
એમ કરી તું પ્રેમને શ્યોર કરે છે.

મારી પોસ્ટ કોણ લાઈક કરે છે,
ચેક કરીને જ તારી ભોર પડે છે.

લાસ્ટ સ્ટેટસ મારુ જોઈને જ,
આંખો રાત્રે તારી તું મૌન કરે છે.

હું તારો પાસવર્ડ છું ને રહેવાનો,
તો શાનો આટલો તું ઢોંગ કરે છે.

દિલ માંથી હું ક્યાં બ્લોક થવાનો,
તો પછી શાનો આ શોર કરે છે.

એવો ડોક્ટર હજું છે જ ક્યાં,
પ્રેમરોગી નાં દર્દ જે ક્યોર કરે છે.

ચાલને વ્હાલી સમાધાન કરીએ,
જન્મોના સાથી ક્યાં વોર કરે છે.

~ મિત્તલ ખેતાણી
( કાવ્ય સંગ્રહ ‘શબ્દ ઘેર આનંદ ભયો’ માંથી )

Leave a Reply

This site uses Akismet to reduce spam. Learn how your comment data is processed.