Gazal Gujarati Poet's Corner

સર્વ ઈચ્છા કેદ કરીએં

સર્વ ઈચ્છા કેદ કરીએં આપણે,
વૈભવોને ખેદ કરીએં આપણે.

સાથ છોડી જાય ના બસ એટલે,
નાવમાં એક છેદ કરીએં આપણે.

કોઈ સાચુ માનશે નૈ ‘ એટલે,
ચાલ, શબ્દો કેદ કરીએં આપણે.

બોર ચાખેલા ગમે છે રામને !
કેમ જાતિ ભેદ કરીએં આપણે ?

રાજનિતીની જ આ તાલિમ છે,
બસ, સતત મતભેદ કરીએં આપણે.

આવ્યું એવુંય સપનું કોઈને?,
સાર્થક કો ‘ વેદ કરીએં આપણે!

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.