Gazal Gujarati Poet's Corner

સત્ય છુ, કડવો છું

સત્ય છુ, કડવો છું સચવાયો નથી,
હું હજી હાથોમા ઝીલાયો નથી.

એ સરળતાથી તો વંચાયો મને,
પણ સરળતાથી એ સમજાયો નથી.

આ ચરમસિમા પ્રસિધ્ધિની તને ?
તુ ભલે ચર્ચાયો વખણાયો નથી.

આધીઓ આવીને ઓલવ્વા મથી!
હું નજીવો દિપ ગભરાયો નથી.

ઈશ્ક આપીને એ બહેકાવે મને,
હું ચમકતા જળથી ભરમાયો નથી.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.