Gazal Gujarati Poet's Corner

ફૂલથી સૌંદર્યનુ લીધું

ફૂલથી સૌંદર્યનુ લીધું કરજ,
ને, હ્દયના આભને કીધી અરજ.

કંટકો, ફૂલોની સોબતમાં રહ્યાં,
તો, ગઝલ લખવામાં પોષાઇ સમજ.

એટલે સમજી નહીં શક્યો ગઝલ,
એણે મૂકી દીધું છે ગીરવે મગજ.

દિલ વગર, આંખોથી મળતા લોક છે,
દોસ્તીમાં જે મિલાવે છે ગરજ.

થાય મોસમને ભલેને બળતરા,
આ સદીની છે હવાઓમાં મરજ.

~ સિદ્દીક ભરૂચી

Advertisements

Leave a Reply

This site uses Akismet to reduce spam. Learn how your comment data is processed.