Gazal Gujarati Poet's Corner

પ્યારમાં વિશ્વાસ કરવાની મજા

પ્યારમાં વિશ્વાસ કરવાની મજા,
એક જગમાં વાસ કરવાની મજા.

દિલના અંધારામાં મૂકી દિવડાં,
ઔર છે અજવાસ કરવાની મજા.

સર્વ દળના શોર ટી.વી. ભાડે લઇ,
રોજ લે, બકવાસ કરવાની મજા.

એ જ તો મર્દાનગીનું કામ છે,
દૂર એને પાસ કરવાની મજા.

નાશ પામી છે અદબ,ઈઝ્ઝત હવે,
છે મને વનવાસ કરવાની મજા.

હું સદા ખુશ રાખવા પાળુ હૂકમ ,
ને તને નાપાસ કરવાની મજા.

રોજ દરિયો ભૂંસી નાખે છે છતાં,
બાળને આવાસ કરવાની મજા.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.