Gazal Gujarati Poet's Corner

પ્રજા નાયકને ખલનાયક કરે છે

પ્રજા નાયકને ખલનાયક કરે છે,
પછી લાયકને, નાલાયક કરે છે.

ભલે એ બોલતો સાચુ નથી પણ,
ઘણી સચ્ચાઈથી નાટક કરે છે.

જે ડમરૂ વેચવા આવી ગલીમાં,
રડાવી બાળકો, ગ્રાહક કરે છે.

એ ભૂખ્યો છે, ભિખારીને તપાસો,
જે બેંકોમાં જમા આવક કરે છે.

બને છે ડૉક્ટર, એન્જિનિયર તું,
તને મરઘો તો એક શિક્ષક કરે છે.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.