Gazal Gujarati Poet's Corner

જીદ કરી બેઠી છે

જોને કેટ-કેટલી તો એ જીદ કરી બેઠી છે,
જાણે મને જ પ્રેમ અને પ્રીત કરી બેઠી છે,

હું ગરીબ એને આપી પણ શું શકવાનો…?
જે પોતે જ સર્વસ્વ એનું મને ધરી બેઠી છે,

જગ્યા ન હતી, જરાય દિલના ઊંડાણમાં,
પ્રેમના પ્રવાહે છતાં એ સ્થાન કરી બેઠી છે,

ઇ મારી નથી, અને હું એનો પણ નથી જ,
જાણે છે છતાં હારવાની જીદ કરી બેઠી છે,

કદાચ ભેદ પ્રેમ અને આકર્ષણ સમજી હશે,
મુક્ત કરીને મને ખુદ એ જ બંધાઈ બેઠી છે,

ભવિષ્ય જીવવાના ઓરતાં સાથે જીવે છે,
બાંધી ભૂતકાળ વર્તમાન એ સાંધી બેઠી છે,

~ સુલતાન સિંહ ‘જીવન’

Leave a Reply

This site uses Akismet to reduce spam. Learn how your comment data is processed.