Gazal Gujarati Poet's Corner

ચાંદ ગેરહાજર છે

ચાંદ ગેરહાજર છે, લાજને બચાવી લો,
રોશનીની ખ્વાહિશ છે ઘૂંઘટો ઉઠાવી લો.

નાશ ના કરો સંબંધ, આ અતૂટ ચાહતમાં,
સ્વર્ગ આપણું રચવા, તૂટતાં બચાવી લો.

કામ છે ભલાઈનું, કોઈ તો બચી શક્શે,
રાહમાં કોઈ પથ્થર, હોય તો હટાવી લો.

ખૂબ ઊંડા દરિયામાં, કઇ રીતે તરી શકશો ?
નાવ જેવી નારીને, પ્રેમથી મનાવી લો.

પગ નહિં,છે રસ્તા પર વાહનોને પરમિશન,
ઘરથી આપ નીકળોતો, ‘આઇડી’ લગાવી લો.

ના જરૂર અમને છે, કો ‘ તમા સુરક્ષાની,
ઈશ્કનો હું નેતા છું, રક્ષકો હટાવી લો.

આ પ્રચાર થઇ જાયે, જોઈને શીખે કોઈ,
આપણું હ્રદય ‘સિદ્દીક’, આઈનો બનાવી લો.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.