Gazal Gujarati Poet's Corner

ઘરોની ચાવીઓ ખોવાઈ ગઇ

ઘરોની ચાવીઓ ખોવાઈ ગઇ છે,
હવે ઈન્સાનીયત ધોવાઈ ગઇ છે.

હતી સુફિયાણી વાતો જેના મુખ પર,
ચડીને મંચ પર બદલાઈ ગઇ છે.

સમયની અટકળો, હલચલને નીરખી,
ફળીની બારીઓ શરમાઈ ગઇ છે.

નવી મૌસમની ઝેરીલી પવનમાં,
મહોબ્બત વાસમાં ઘૂંટાઈ ગઇ છે.

ઉછેરી દીકરી, ધિરાણ કરતાં,
પહાડોની નજર ભીંજાઈ ગઇ છે.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.