Gazal Gujarati Poet's Corner

એફ.બી.પર રોજ અંકિત

એફ.બી.પર રોજ અંકિત થૈ જતો,
રોજ ગઝલો લૈ પ્રદર્શિત થૈ જતો.

એજ ખાતો,એજ પીતો, જીવતો
રોજ ગઝલોને સમર્પિત થૈ જતો.

ના ઝરણ ફૂટે ગઝલનું કોઈ દી,
તો એ ભીતરમાં પરાજિત થૈ જતો.

આ નગર એવું છે અહિંયાં ‘દોસ્તો’,
કોઈ પણ ,કર્મોથી ચર્ચિત થૈ જતો.

દિલમાં ચોરી હોય તો એ ના ડરે,
ને કોઈ શકથી વ્યવસ્થિત થૈ જતો.

આવનારો દૂરથી દેખાય તો,
મારૂં સમજીને હું પુલકિત થૈ જતો.

દિલથી દિલ’ સિદ્દીક’મળે તો શક્ય છે,
કોઈની આંખે સુરક્શિત થૈ જતો.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.