Gazal Gujarati Poet's Corner

આચરણ

આચરણ કેવી રીતે ખુલ્લા થયા?
વિશ્વના હર આંગણે ભેગા થયા.

રક્ત બોટલમાં ભલે મોઘું હશે,
માનવીના મૂલ્યો સસ્તા થયા.

કિંમતી વસ્ત્રોમાં તો સજધજ હતા!
ગીચ વસ્તી ક્હે : બધા નાંગા થયા.

સરહદો પર ‘ પાકના’ એ થોરિયા,
કૉણ માને, કેટલા ભૂખ્યા થયા?

પાનખરમાં સાથ જેનો ના હતો,
એ વષંતોમાં હવે મળતા થયા.

સૂક્ષ્મ અપરાધો ગયા શું કોર્ટમાં,
બ્હાર આવીને ઘણાં મોટા થયા.

આપણે ‘ સિદ્દીક’ શું બોલી ગયા ?
લોક વિખરાયા અને દંગા થયા.

~ સિદ્દીક ભરૂચી

Advertisements

Leave a Reply

This site uses Akismet to reduce spam. Learn how your comment data is processed.