Gazal Gujarati Poet's Corner

એવાં બરડ છે જાણે…

એવાં બરડ છે જાણે સુખ ક્રેકજેક છે,
સાલી! ઉદાસીઓ તો સૌ સિક્સપેક છે.

અસ્તિત્વ વેબસાઇટ, જગ નેટવર્ક છે;
એમાં વળી આ મારું ‘હોવું’ જ હેક છે.

થાક્યા બધા વટાવી ખૂટે ન સ્હેજ પણ,
સઘળાની પાસે અહીંયાં ચિંતાનો ચેક છે.

મારામાં સ્હેજ આવે થંભે તરત બધું,
સ્મરણોય તારાં જાણે કે શોર્ટબ્રેક છે.

ધરતીની જેમ મારી છાતી ધ્રૂજી ઊઠી,
હો અર્થક્વેક, એમ જ આ હાર્ટક્વેક છે.

‘મરવું’ ય એક રીતે તો ‘જન્મવું’ જ છે,
એવું ગણી મેં સૌને વ્હેંચેલ કેક છે.

– અનિલ ચાવડા

Advertisements

Leave a Reply

This site uses Akismet to reduce spam. Learn how your comment data is processed.