Gazal Gujarati Poet's Corner

તારી આંખોના જળમાં છું

તારી આંખોના જળમાં છું,
તું જ કહે હું કઈ પળમાં છું?

પૂર્ણ વૃક્ષ છે મંજિલ મારી,
અત્યારે હું કૂંપળમાં છું.

કેમ ન ધ્રુજે આભ આભમાં?
વાદળ છું ને ચળવળમાં છું.

ખુલી શકું નૈ, બંધ ન થાઉં,
કાટ ચડેલી સાંકળમાં છું.

સૂરજ સામે કર્યો મોરચો,
ભલે બળેલા કાગળમાં છું.

– અનિલ ચાવડા

Leave a Reply

This site uses Akismet to reduce spam. Learn how your comment data is processed.